Pesë personat e arrestuar si të akuzuar në përfshirjen e atentatit ndaj ish-prokurorit Ndoja dhe 4 të tjerë janë shpallur në kërkim, janë lënë në qeli.
Me kërkesë të SPAK, GJKKO konfirmoi ndaj tyre masën e arrestit me burg.
Personat e arrestuar janë Bashkim Haxhiaj; 54 vjeç; Marsel Deçka; 38 vjeç; Kili Nerjaku alias Genti Ndërjaku, 40 vjeç; të tre banues në Durrës; si dhe Endrit Sinani, 29 vjeç dhe Juljan Pjetri, 45 vjeç, të dy banues në Tiranë.
Në kërkim janë shpallur katër të tjerë. Mes tyre është Plarent Dervishaj, i cili sipas hetimeve kishte rolin e organizatorit. Në kërkim është shpallur dhe nipi i deputetit Rahman Raja, Ramazan Raja.
Personat e vënë në pranga dhe të shpallur në kërkim akuzohen si të implikuar në atentatin e ndodhur më 1 Nëntor 2019 te mbikalimi Shkozetit. Në atë atentat, u plagosën ish-prokurori Arjan Ndoja dhe Aleksandër Laho – i njohur si “Rrumi”, ndërsa mbeti i vrarë Andi Maloku, shoferi personal i ish-prokurorit të Durrësit.
Lexo edhe:
