Kryetari i Partisë Demokratike, Sali Berisha, ka reaguar pas përmbytjeve që u raportuan mëngjesin e sotëm në Lezhë, për shkak të motit të keq.
Përmes një postimi në rrjetin e tij social Fb, Berisha ka publikuar një video, ku denoncon kryebashkiakun Pjerin Ndreun se përmbytjet kanë ardhur si pasojë e betonizimit të qytetit.
‘Kjo është Lezha sot. Përmbytjet e betonit! Pjerinit i del kallaj!’, shkruan Berisha.
Ndërkohë mëngjesin e sotëm, disa lagje në Lezhë u zgjuan ‘të mbuluara’ nga uji.
Probleme u raportuan në lagjen “Besëlidhja”, e cila u përmbyt nga reshjet intensive, ndërsa u krjuan vështirësi në qarkullimin e banorëve dhe automjeteve.
