13 persona me kombësi shqiptare dhe spanjolle, të moshës 19 deri në 65 vjeç, janë arrestuar nga policia spanjolle, pasi akuzohet se janë antarë të një bande kriminale të trafikut të narkotikëve.
Mediat e huaja shkruajnë se policia bastisi gjashtë plantacione kanabisi dhe sekuestruan 2,181 bimë.
Operacioni u krye pas një hetimi të përbashkët disa mujor mes njësive të Policisë, ndërsa agjentët ishin në dijeni të ekzistencës së mundshme të plantacioneve të ndryshme të kanabisit të vendosura brenda shtëpive të fshatit në të dy provincat dhe që supozohet se drejtoheshin nga i njëjti grup i organizuar i përbërë nga persona me kombësi shqiptare, italiane dhe spanjolle.
Sipas informatave brenda rrjetit kriminal ishte krijuar një shpërndarje funksionesh mes anëtarëve të grupit. Shkalla e parë merrej me lokalizimin e shtëpive, ndërsa e dyta i merrte me qira me dokumentacion fals të siguruar nga anëtarët shqiptarë. Më pas, një grup i tretë i përbërë nga anëtarë me njohuritë e nevojshme teknike, ishte përgjegjës për montimin e plantacioneve, me një të katërt të ngarkuar me prerjen dhe tharjen e bimëve për transport të mëvonshëm jashtë Spanjës.
Më në fund, hetuesit arritën të lokalizonin gjithsej 11 shtëpi, të shpërndara në të gjithë zonën e Alicante dhe Murcian. Plantacionet ndodheshin në gjashtë prej tyre, ndërsa pjesa tjetër përdoreshin si ‘magazina për drogën’, ku qëndronin personat kryesorë të përfshirë dhe fshihnin paratë e fitimeve.
