R’Bonney Gabriel nga Shtetet e Bashkuara u kurorëzua të shtunën mbrëma si Miss Universe e 71-të. Konkursi u mbajt në New Orleans, Luiziana, me 84 vajza nga e gjithë bota që konkurruan për kurorën.
Mbrëmja e së shtunës ishte dita e fundit e garës, ku eliminimet ngushtuan numrin e finalistëve deri sa mbetën dy të fundit.
Kur Gabriel hyri në Top 5-en, ajo u pyet: “Miss Universe së fundmi bëri një ndryshim gjithëpërfshirës duke lejuar nënat dhe gratë e martuara të konkurrojnë këtë vit. Cili është një ndryshim tjetër që dëshironi të shihni dhe pse?”
Gabriel u përgjigj se shpresonte që organizatorët e konkursit të rrisnin kufirin e moshës së kandidatit.
“Për mua, unë do të doja të shihja një rritje të moshës sepse jam 28 vjeç. Dhe kjo është mosha më e vjetër për të konkurruar. Dhe mendoj se është një gjë e bukur. Citati im i preferuar është “nëse jo tani, atëherë kur?” Sepse si grua, besoj se mosha nuk na përcakton. Nuk është nesër, nuk është dje — por është tani. Koha është tani”, tha ajo.
Gabriel nga Houston është një modele, stiliste që i jep përparësi mjedisit në punën e saj.
Në pyetjet dhe përgjigjet e fundit 3 konkurueset pretendentët për kurorë u pyetën se si do të punonin për të demonstruar Miss Universe si një organizatë fuqizuese dhe progresive nëse fitonin titullin.
Gabriel tha se do ta përdorte platformën për të qenë një “lidere transformues” dhe theksoi pasionin e saj si një forcë për të mirën në industrinë e modës duke ulur ndotjen dhe duke përdorur materiale të ricikluara në prodhimin e pjesëve të veshjeve.
