Barcelona është fituese e Superkupës së Spanjës pasi mundi në King Fahd International Stadium (Riyadh) ekipin e Real Madrid me shifrat 1-3.
Një goditje e bukur me të majtën e Gavit i jep avantazhin katalanasve, të cilët mundën të festonin pas gjysmë ore loje.
Po Gavi jep një pasim për Lewandowskin në minutën e 45-të, me polakun që e ka të thjeshtë të realizojë golin e dytë.
Me epësinë e dyfishtë, ekipi i Xavit e pati edhe më të lehtë në pjesën e dytë, ku mbylli llogaritë e takimit një herë e mirë 20 minuta para fundit me Pedrin.
Asgjë për të thënë për Los Blancos në këtë takim, paraqitje tejet zhgënjyese dhe tanimë fokusi për djemtë e Ancelottit do jetë në kampionat dhe Champions League.
