Në spitalin e Lezhës kanë shpërthyer pakënaqësitë ndaj drejtuesve të këtij institucioni dhe motivi është paga e muajit dhjetor.
Një prej punëtorëve ka denoncuar rastin në Fax News, ndërsa thotë se nuk e kanë marrë pagën e muajit dhjetor. Ata thonë se janë më kredi dhe borxhe dhe askush nuk u jep përgjigje për afatet kohore se kur mundet që paga t’u akreditohet në kontot bankare.
“Jam një punonjës i spitalit te Lezhës dhe ende nuk e kemi marrë pagën e muajit dhjetor, në një kohë që kemi patur me marrë që me datë 5. Jemi me kredi dhe borxhe dhe askush s’po na jep përgjigje. Ju lutem bëjeni publike”, thuhet në ankesën e punonjësit të spitalit.
