Në renditjen që i bëri skandaleve të qeverisë Rama në tre javët e fundit, kreu i PD, Sali Berisha u ndal te arrestimi i zyrtares së AKSHI-t, Erisa Fero, e cila po transportonte 60 kg kanabis në drejtim të Qafë Thanës.
Berisha denoncoi se Erisa Fero ndatë paratë e drogës me drejtoreshën e AKSHI-t, Mirlinda Karçanaj, të cilën e akuzon se në historinë e Shqipërisë mund të cilëoshet si kampionia e vjedhjes me tenderat publikë.
“Skandal tjetër madhor, Erisa Fero, një kapobandë e vërtetë. Drejtoreshe e kujt? E Mirlindës së mistershme. Mirlinda e mistershme është drejtoreshë e AKSHI-t, një nga kampionet kryesore si hajdute në historinë e këtij shtetit. Ajo është autore e 250 e ca prokurimeve publike sekrete. Mirëlinda e AKSHIT-e Edi Ramës është autore e shpenzimeve për mbrojtjen e dhjetëra rrjeteve dixhitale. Erisa bëhet drejtoreshë te Mirëlindës për faktin e vetëm se ndan me të paratë e drogës. Nuk kishte asnjë meritë Erisa, as formim për të qenë drejtoreshë në AKSH. Ky pra është shtet i kalbur. Seriali i vjedhjeve nuk ka fund”, tha Berisha.
