Deputeti Agron Çela ka zyrtarizuar tashmë bashkimin e tij me Partinë Socialiste.
Përmes një postimi në rrjetin e tij social Fb, Çela thotë se Partia Socialiste duhet të ketë shansin të drejtojë Bashkinë e Shkodrës pas 30 viteve nën drejtimin e PD-së që sipas tij nuk i solli asnjë të mirë qytetit.
“Ne duhet t’i japim shansin PS që ta drejtojë Bashkinë Shkodër, pas 30 viteve të drejtimit të PD-së, dhe të mos vazhdojmë me ngarkesa emocionale, që asnjë të mirë nuk i kanë sjellë Shkodrës! Mazhoranca qeverisëse ka përgatitur një paketë investimesh shume te rëndësishme për Shkodrën, ndaj ne duhet të bëhemi mbështetësit e këtij ndryshimi duke votuar për kandidaturën e saj e krijuar një koalicion te fuqishëm me qytetarët për të punuar për Shkodrën”, shkruan Çela.
Menjëherë pas këtij postimi, në rrjet kanë shpërthyer memet dhe ironitë.
Duke sjellë në vëmendje përdorimin që po u bën Rama njerëzve të opozitës, ata shkruajnë se po legalizohet prostitucioni.
Ndërkohë, të shumtë janë ata që i kujtojnë edhe fatin që pati Lefter Koka kur u bashkua me Edi Ramën, dhe fatin e ministrave të tjerë, si Saimir Tahiri apo Arben Ahmetaj.
