Policia e Dibrës ka arrestuar një 33 vjeçar pasi kishte kaluar kufirin në mënyrë të paligjshme.
Mësohet se shtetasi me iniciale S.Ç ishte shpallur në kërkim dhe pas arrestimit të tij policie i ka sekuestruar dhe lëndë narkotike kokainë.
Njoftimi:
Shërbimet e Komisariatit të Policisë Dibër kapën dhe ndaluan shtetasin në kërkim S. Ç., 33 vjeç, banues në Dibër, pasi Gjykata e Rrethit Gjyqësor Sarandë ka caktuar ndaj tij, masën e sigurisë “Arrest në burg”, për veprën penale “Kalimi i paligjshëm i kufirit”.
Specialistët e Seksionit për Hetimin e Trafiqeve të Paligjshme dhe Narkotikëve të DVP Dibër arrestuan në flagrancë shtetasin E. C., 35 vjeç, banues në Dibër, pasi gjatë kontrollit fizik të ushtruar ndaj tij, shërbimet e Policisë gjetën dhe sekuestruan, një sasi të vogël lënde të dyshuar narkotike kokainë.
