Shkarkimi më i shpejtë nga detyra në historinë e futbollit. Rekordi është vendosur në Kanada ku Montreal ka bërë një hap pas për trajnerin e ekipit të dytë vetëm 15 orë pas emërimit të tij në këtë post.
Italo-kanadezi Sandro Grande, u prezantua në klub si trajneri më i ri por pasi u sulmua nga tifozët e shumtë në rrjetet sociale, Montreal mori vendimin për ta larguar nga puna. Klubi nga Quebec u detyrua ta merrte këtë vendim për shkak të disa qëndrimeve të forta të tij në rrjetet sociale gjatë vitit 2012.
Gjithçka ka lidhje me një qëndrim kritik të tij ndaj qeverisë lokale dhe sulmit të bërë nga disa persona ndaj godinës, sulm që ai e kishte mbështetur në reagimin e tij publik.
