Historia e Luiz Ejllit është vënë në qendër të vëmendjes dhe po diskutohet kudo. Pavarësisht se ai tregoi një histori sëmundje që nuk ishte e tij, në vetë të parë, Luizi vijon të mbështetet nga ndjekësit e shumtë të programit të cilët janë të bindur se pas fjalëve të këngëtarit ka akoma të vërteta për t’u zbuluar.
Të shumtë janë ata që akuzojnë produksionin e BBV se po fshehin të vërtetën.
Mbrëmjen e djeshme teksa ka mbërritur në spital për të kryer analizat, Luizi është pritur nga një grup fansash të cilët kanë kuptuar që ai po dilte nga shtëpia e Big Brother Vip pasi çdo gjë u bë në transmetim Live. Ata dëgjohen teksa thërrasin me zë të lartë: “Forca Luiz të duam”.
