Thibaut Courtois, portieri i Real Madridit, ka folur në konferencën për shtyp para gjysmëfinales të Superkupës së Spanjës kundër Valencias.
Ndër temat që është diskutuar është edhe ajo e transferimit të Cristiano Ronaldos në Arabinë Saudite te Al Nassr, lëvizje për të cilën belgu theksoi se përcjell një mesazh të madh.
“Kjo tregon se ata duan të përmirësohen në sport. Mund ta shohim në elementë të ndryshëm. Ata mundën Argjentinën në Kupën e Botës… Cristiano zgjodhi për të ardhur këtu. Është vendimi i tij, por tregon se Arabia Saudite dëshiron të përmirësohet. E morën për të fituar kampionatin”-tha Courtois.
