Është komunikuar masa “arrest me burg”, për Rozeta Dobin dhe Havier Dobi (nënë e bir), të cilët grabitën mijëra euro në shtëpinë e ish-zyrtares Alda Klosi.
Nënë e bir u vunë në pranga pasi rezulton se kanë grabitur shuma të majme parash nga disa banesa, ndërsa e fundit ishte banesa e ish-shefes së kabinetit të ish-zv.kryeministrit Arben Ahmetaj, Alda Klosi.
Kësaj të fundit i kanë vjedhur rreth 120 mijë euro, ndërsa grabitja është kryer nga 49-vjeçarja, duke shfrytëzuar mungesën e Klosit, ndërsa i biri 23-vjeçar e priste jashtë me makinë.
