500 mijë euro në shtëpinë e zyrtares së Ramës, Paloka: Se sa kanë shefat e kësaj, imagjinojeni vetë…
Shuma prej 500 mijë eurosh që është grabitur në para cash dhe bizhhuteri në banesën Alda Klosit, ish-shefja e kabintetit të ish-ministrit të Financave, Arben Ahmetaj nga pastruesja Rozeta Dobi dhe i biri i saj Havieri, ka ndezur debatet në politikë, duke vënë në diskutim edhe rolin e drejtësisë e SPAK.
Rezervat për punën e drejtësisë lidhur me rastin në fjalë i ka shprehur kreu i Këshillit Kombëtar të PD-së Edi Paloka, i cili shpreh habi sesi Klosi (tashmë e punësuar si këshilltare në Kryeministri) arrin të mbajë një shumë të tillë para cash në banesë.
“Pastruesja që i vodhi shkoi në burg, po shefja e kabinetit të Ahmetajt, këshilltarja e Ramës ku i gjeti (vodhi) 500 mijë eurot qe mbante në shtëpi?!!”, shtron pyetjen Paloka.
Teksa vendos theksin te ligji në fuqi për deklarimin e pasurisë së zyrtarëve shtetërorë, Paloka ngre dyshime për mënyrën sesi këto para janë përftuar, dhe në rast se prej korrupsionit shpreh shqetësimin sesa shumë të tilla të konsiderueshme mund të kenë shefat e saj në nivel ministrash e Kryeministri.
“Ligji i deklarimit të pasurisë së zyrtarëve ka disa detyrime që përcaktojnë se edhe thjeshtë mbajtja në shtëpi e një shume të tillë është shkelje e ligjit, pa i hyrë fare çeshtjes se si një nënpunëse e thjeshtë ka siguruar një pasuri të tillë… Se sa kanë shefat e kësaj, imagjinojeni vetë!”, shkruan ai.
