Alda Klosi, zyrtare pranë qeverisë, është personi që ka në posedim banesën ku janë vjedhur qindra-mijëra euro nga sanitarja Rozeta Dobi i dhe i biri Havier Dobi.
Shërbimet e policisë pas operacionit të së shtunës, ku gjetën e sekuestruan para dhe bizhuteri me vlerë mbi 120 mijë euro, njoftuan këtë të diel se në vijim të hetimeve kishin zbuluar në tubat e ajrimit të banesës së nënë e bir edhe 404 800 euro, 8500 dollar dhe sende me vlerë.
Alda Klosi, rezulton një zyrtare e lartë në Kryeministri, ndërsa banesa e saj ndodhet në Rrugën e Kosovarëve, të cilën e kishte marrë me qira.
Rozeta dhe Havier Dobi ndodhen prapa hekurave, ndërsa ndaj tyre rezultojnë edhe kallëzime të tjera për vepra të ngjashme. Ende nuk ka një reagim nga ana tjetër, mbi deklarimet e Klosit për të ardhurat e saj dhe mënyrën se si janë përfituar, apo arsyeve pse i mbante në një banesë me qira.
- Hetimet
Kanë nisur hetimet për ish-shefen e kabinetit në Kryeministri Alda Klosi, në banesën e së cilës pastruesja dhe djali i saj grabitën një shumë të konsiderueshme parash dhe bizhuteri floriri.
Mësohet se në momentin kur ka ndodhur grabitja, Klosi ndodhej në SHBA. Ndërkaq në kontrollin e banesës së nënë e bir, policia ka gjeture mbi 400 mijë euro, 8500 dollarë dhe aksesorë floriri të cilat ishin fshehur në tubin e aspirimit.
- Operacioni i policisë:
Vijoi edhe ditën e sotme opeacioni i policisë për nënë e bir që dje ranë në pranga, pasi bënë “kërdinë” me vjedhje në shtëpinë që punonte si sanitare.
Paratë dhe sendet me vlerë janë gjetur në banesën e dy autorëve të arrestuar gjatë operacionit ditën e djeshme. Gjatë kontrollit në banesë, shërbimet e Policisë gjetën të fshehura në tubin e aspirimit, 404 800 euro, 8500 dollarë dhe aksesorë floriri, të cilat u sekuestruan në cilësinë e provës materiale.
“Shërbimet e Komisariatit të Policisë Nr. 2, në vijim të operacionit policor të koduar “Inside”, gjatë të cilit u arrestuan shtetasit Rozeta Dobi dhe Havier Dobi, nisur nga dyshimet e krijuara, mbi shumën e vjedhur në banesën në Rrugën e Kosovarëve, bazuar në inteligjencën informative dhe veprimet hetimore të thelluara është ushtruar rikontroll në banesën e shtetasve Rozeta Dobi dhe Havier Dobi (nënë e bir).” – njofton policia.
