Edhe me bujë në merkaton e verës, por me sa duket Aventura e Kristjan Asllanit tek Inter mund të përfundojë më shpejt nga çfarë pritej. Minutat e pakta në fushën e blertë dhe konkurrenca me Brozovic dhe Mkhtaryan kanë bërë që Asllani të mos jetë në planet e teknikut Simone Inzaghi dhe të shohë thuajse çdo ndeshje nga stoli.
Nga kjo kërkojnë të përfitojnë skuadra të tjera italiane ku së fundmi listës i janë shtuar rivalët e përjetshëm të Milanit. Në mediat italiane qarkullojnë lajme se mesfushori shqiptar pëlqehet shumë nga kuqezinjtë me Paolo Maldinin, që e tentoi ta transferonte që në verë, kur 21-vjecari ishte pjesë e Empolit.
Sigurisht arritja e kësaj marrëveshje nuk do të ishte aspak e lehtë aq më tepër kur përballë kanë rivalët e tyre të përjetshëm. Megjithatë siç raportohet Interi mund talë të lirë lojtarin për vlerën e 15 milionë eurove, pak më shumë nga shuma që e bleu prej Empolit në verë.
Asllani është një nga të preferuarit e Paolo Maldinit që e sheh futbollistin shqiptar si një përforcimin ideal për mesfushën megjithatë deri më tani nuk ka asgjë konkrete mes palëve ndonëse në garë janë dhe skuadra të tjera italiane.
“Corriere dello Sport” raporton se edhe Lazio me Fiorentinën kërkojnë shërbimet e talentit kuqezi dy ekipet që u interesuan për të edhe gjatë verës. Me kryeqytetasit e Lazios është dhe ideja e një shkëmbim me Luis Alberton, për të cilin Interi ka kohë që ka shfaqur interes.
