Kur vendosi që të ndërmerrte karrierën e futbollistit ndoshta e kishte menduar që të fitonte faqet e para me ndonjë gol apo transferim të bujshëm, por jo gjithmonë gjërat shkojnë siç duhet.
Një futbollist në Francë është bërë protagonist jashtë fushave të blerta. Zhan-Manuel Nedra, 29-vjeçari që luan për Aljo, në divizionin e parë për krahinën e Martinikës është arrestuar pasi në çantën e tij u gjetën 100 kilogramë kokainë.
Droga ishte paketuar në valixhen e tij, teksa ai ishte duke fluturuar përmes aeroportit “Sharl de Gol”, teksa shoqërohej edhe nga partnerja e tij.
Policia ka zbuluar ngarkesën e drogës dhe ka arrestuar mesfushorin, i cili pritet që të përballet tashmë me vendimin e gjykatës, i cili pritet të jetë shumë “i kripur”.
“Le Parisien” raporton se partnerja e tij është liruar, ndërsa klubi i “Aljo” ka reaguar duke mohuar lidhjen me kokaikën që transportonte lojtari: “Në momentin e kapjes me drogë Nedra po udhëtonte për zgjedhje të tijën, jo sepse kishte një impenjim me ne. Ne si klub jemi totalisht kundër kësaj ngjarjeje”.
