Papa Benedikti XVI ka ndërruar jetë në rezidencën e tij në Vatikan në moshën 95-vjeçare.
“Me dhimbje ju njoftoj se Papa Emeritus, Benedikti XVI, ndërroi jetë sot në orën 9:34, në Manastirin Mater Ecclesiae në Vatikan”.
Kështu ka deklaruar drejtori i Zyrës së Shtypit të Selisë së Shenjtë, Matteo Bruni. “Më shumë informacione do të pasojnë sa më shpejt të jetë e mundur”, shton ai.
Mëngjesin e të hënës, 2 janar 2023, trupi i papës emeritus Benedikti XVI do të jetë në Bazilikën e Shën Pjetrit në Vatikan për përshëndetjen e besimtarëve. Ky lajm u konfitrmua publikisht nga zyra e shtypit e Vatikanit, raporton agjencia e lajmeve “Ansa”.
Ai drejtoi Kishën Katolike për më pak se 8 vjet derisa, në vitin 2013, ai u bë Papa i parë që dha dorëheqjen që nga Gregori XII në 1415.
Benedikti i kaloi vitet e tij të fundit në manastirin Mater Ecclesiae brenda mureve të Vatikanit. Pasardhësi i tij Papa Françesku tha se e kishte vizituar shpesh atje, ndërsa kërkoi gjatë kremtimit të Krishtlindsjes nga besimtarët të luteshin Papa Emeritus Benediktin, për të cilin tha se ishte shumë i sëmurë.
Gjatë drejktimit të tij. Kisha Katolike u përball me akuza, pretendime ligjore dhe raporte zyrtare gjatë dekadave të abuzimit të fëmijëve nga priftërinjtë.
Në fillim të këtij viti, ish-Papa pranoi se ishin bërë gabime në trajtimin e rasteve të abuzimit kur ai ishte kryepeshkop i Mynihut midis viteve 1977 dhe 1982.
