Me një video të postuar në rrjetin social Instagram ku shoqërohet nga kreu i Grupit Parlamnetar të PS, Taulan Balla, ministrja Elisa Spiropali dhe zyrtarë të mazhorancës e dhjetëra të rinj, kryeministri Edi Rama ka dashur të dërgojë një mesazh para nisjes së vitit të ri për kundërshtarët e tij politik.
Rama shihet në mes të grupit dhe i drejtohet kamerës me një ironi therëse për opozitën, e cila e ka akuzuar në mënyrë të vazhdueshme qeverinë se ka ardhur në pushtet nëpërmjet vjedhjes së votive me patronazhistë.
“Patronazhisti, patronazhisti, është ç’është, por aktivisti…(qesh me ironi). Nuk keni parë gjë akoma”, dëgjohet të thotë Rama, ndërsa e qeshura ironike e të tjerëve pranë tij e shoqëron deri në fund.
Por, kujt po i drejtohet shefi i qeverisë.
Padyshim që rivalëve të tij Sali Berisha dhe Ilir Meta në opozitë, teksa një garë e ethshme për zgjedhjet lokale të 14 majit po afron dhe binomi PD-PL do të “luftojë” në çdo bashki për të fituar besimin e qytetarëve dhe për të rikthyer funksionalë parlamentet lokalë.
Paralajmërimin e dyshes Berisha-Meta për betejë në mbrojtjen e votës, Rama duket se nuk e anashkalon dhe ka zgjedhur të mbajë të “karikuar” para betejës zgjedhore patronazhistët e PS.
View this post on Instagram
