Një grua nga fshati Çinar ka ndërruar jetë këtë të mërkurë në ambientet e Bashkisë së Lushnjes.
Gruaja, e identifikuar si Shpresa Cani, kishte shkuar në zyrat e bashkisë për të pyetur përse iu ishte hequr ndihma ekonomike, ndërsa familjarët bëjnë me dije se 48-vjeçarja vuante nga disa probleme shëndetësore.
Tezet dhe hallat e saj pohojnë se mbesa kishte shkuar për të bërë letrat e kempit sepse vuante nga drepanicitoza, një semundje gjaku por jo e rënde. Ne dijeninë e familjareve 48 vjecarja ka ndërruar jete si pasojë e infarktit, por pritet te dale ekspertiza mjeko ligjore.
Në fakt Shpresa Cani u varros këtë të enjte në orën 11:00 , në varrezat e fshatit Thanë, ndërsa vdekja e saj ka ndodhur një dite më parë, por as bashkia dhe as policia e Lushnjes nuk e bëne publike rastin. Vetëm pasi ngjarja ka dalë në media policia nxori deklarate zyrtare por edhe këtu gaboj për moshën e viktimës, c’ka le të kuptohet se ajo është hartuar duke iu referuar lajmeve të gazetarëve.
“Unë e kam mbesë. Më thanë që i ka rënë infarkt tek bashkia po si i ka rënë nuk e di gjë. Ajo do bënte letrat por aty i ra infarkti”, tha tezja e viktimës.
“Ne u habitëm kur na erdhi haberi ka vdekur Shpresa. Ishte vetëm kur iku tek bashkia. Banonte me vllain kunatën. Kur na thanë vdiq aty unë u çmenda, me iku mbesa e re. Policia nuk ka ardhur. Nuk kishte fëmijë, nuk u martua”, u shpreh një grua familjare e saj.
“Iku me këmbët e veta dhe erdhi me arkivol. Tek bashkia shkoi për letrat e ndihmës ekonomike. Nga se vuante? Anemike ishte! Kishte disa shqetësime, merrte vazhdimisht gjak, ishte talasemike”, tha një familjare.
