Dy automjete janë përfshirë në një aksident rrugor në aksin Lezhë-Milot pasditen e kësaj të mërkure.
Një prej automjeteve ka dalë nga rruga dhe ka përfunduar në kanal.
Automjetet e përfshira në aksident janë një “Volkswagen Tiguan” dhe një “Volkswagen Sharan”. Për shkak të përplasjes së fortë, automjetit “Volkswagen Sharan” i ka dalë goma me gjithë aks.
Fatmirësisht, pasagjerët që ndodheshin në dy automjetet kanë shpëtuar me lëndime të lehta.
Në vendngjarje ka shkuar policia dhe ka nisur hetimet.
