Princesha e Uellsit gjatë këtij viti ka rritur vlerën e garderobës së saj, teksa iu rikthye angazhimeve mbretërore. Kate Middleton ka veshur veshje të reja me vlerë 176,664 £ gjatë 12 muajve të fundit.
Vlera e garderobës së Princeshës së Uellsit është rritur gjatë vitit 2022, teksa ajo iu kthye angazhimeve të rregullta mbretërore dhe turneve të huaja pas përfundimit të pandemisë Covid-19.
Kate Middleton ka veshur veshje të reja me vlerë 176,664 £ gjatë 12 muajve të fundit, duke përfshirë një sërë fustanesh balloje dhe bizhuteritë vezulluese për fejesat mbretërore.
Ky shënon vitin më të shtrenjtë të familjes mbretërore deri më sot, me një mori veshjesh të reja në shfaqje – krhasuar me vitin 2017 kur vlera e veshjeve të reja kapi shifrën prej 119,000 £.
Mbretëresha e ardhshme ka ricikluar disa nga veshjet e saj më të vjetra të preferuara, dhe ka bërë shoping nga dyqanet kryesore si Zara, Hobbs dhe Mango.
Këtë vit ajo hyri në tregun e qirave për herë të parë, duke zgjedhur të veshë një fustan nga shërbimi “Hurr” në ceremoninë e ndarjes së çmimeve “Earthshot” në dhjetor.
Veshja e saj më e shtrenjtë ishte në premierën e Top Gun, një fustan i zi elegant prej 2,000 £ me bizhuteritë me vlerë mbi 10,000 £.
Mbreti mendohet se mbulon kostot e garderobave të Kate për angazhime ‘të lidhura me punën’ përmes buxhetit të tij zyrtar të familjes, por nuk është e qartë nëse Princesha paguan gjithmonë çmimin e plotë për veshjet apo merr zbritje.
