Parlamenti për vitin 2022 është mbyllur dhe në selitë e partive politike ka rënë disi qetësia, teksa ndihet atmosfera e festave të fund vitit.
Por pavarësisht kësaj, politika nuk fle kurrë dhe duket se një “bashkim” që nuk pritej ka ndodhur në Partinë Demokratike.
Duket se ka mjaftuar një ftesë për një drekë në kuadër të festave, dërguar deputetëve të PD nga të dy krahët prej kolegut të tyre Xhelal Mziu, që një pjesë e madhe e tyre të bashkohen si rrallëherë në të njëjtën tryezë.
Ftesës së Mziut i është përgjigjur pozitivisht PD e Sali Berishës si dhe një pjesë e grupit të deputetëve që deri më sot kanë qëndruar në krah të Enkelejd Alibeajt, duke shmangur bashkimin me PD zyrtare.
Në drekën e përbashkët nuk kanë refuzuar të shkojnë emra të rëndësishëm të grupit Alibeaj, si Ervin Salianji, Jorida Tabaku, Gazment Bardhi e Dhurata Çupi.
Ka qenë pikërisht Tabaku ajo që ka ndarë disa foto nga kjo drekë, me mbishkrimin: “Një dolli për mendimin ndryshe; se të duash të ndryshosh për mirë nuk të bën as të shitur e as të blerë e as peng!”.
Nga PD e Berishës marrin pjesë:
Sali Berisha
Belind Këlliçi
Flamur Noka
Bujar Leskaj
Xhelal Mziu
Tomor Alizoti
Elda Hoti
Greta Bardeli
Lindita Metaliaj
Albana Vokshi
Kastriot Piroli
Kasem Mahmutaj
Oerd Bylykbashi
Luan Baçi
Tritan Shehu
Isuf Çelaj
Ina Zhupa
Edmond Spaho
Deputetët e pranishëm nga PD që nuk kanë mbështetur Berishën:
Ferdinand Xhaferri
Gazment Bardhi
Jorida Tabaku
Dhurata Çupi
Andia Ulliri
Saimir Korreshi
Lefter Gështenja
Helidon Bushati
Eralda Bano
Fatjon Veizaj
llda Dhori
Ervin Salianji
Merita Bakiu
Ramadan Likaj
Deputetët që nuk mbështesin Berishën dhe mungojnë në takim janë:
Lulzim Basha
Enkelejd Alibeaj
Kreshnik Çollaku
Flutura Açka
Dashnor Sula
Zheni Gjergji
Arbi Agalliu
Flamur Hoxha
Agron Gjekmarkaj
Emilja Koliqi
Petrit Doda
Orjela Nebiaj
Orjola Pampuri
Bledjon Nallbati
Seladin Jakupllari
