Moti i acartë në SHBA kthen qytetin e Buffalo-s në një “zonë lufte”

Stuhia dimërore që ka pushtuar SHBA-në prej ditësh, ka goditur më tepër qytetin e Buffalo-s në Nju Jork, duke e shndërruar atë si një zonë lufte.

Deri me tani në këtë qytet janë regjistruar 25 vdekje, ndërkohë që 12 kanë ndodhur nga e dita e diel e sot. Shërbimi Kombëtar i Motit ka raportuar se dëbora në Buffalo është 4 m e lartë.

“Kjo është një luftë me nënën natyrë dhe ajo na ka goditur me gjithçka që ka. Është si të shkosh në një zonë lufte dhe automjetet përgjatë anëve të rrugëve janë tronditëse “, që nga e enjtja, deklaroi Guvernatorja e shtetit të Nju Jorkut, Kathy Hochul.

Kushtet e stuhisë, të cilat shtriheshin nga Kanadaja deri në kufirin me Meksikën, kanë vrarë të paktën 50 njerëz në mbarë vendin.

Ajo tha se banorët po përballeshin me një “situatë kërcënuese për jetën”, pasi shumë automjete të urgjencës nuk ishin në gjendje të arrinin në zonat më të goditura ose u mbërthyen në dëborë.

Një familje me fëmijë të vegjël, i është dashur të presë 11 orë përpara se të shpëtohej në ditën e Krishtlindjeve.

Autoritet besojnë se më shumë viktima pritet të zbulohen pasi reshjet e dëborës të shkrihen të zbulojnë automjetet e bllokuara dhe të lejojnë hyrjen në shtëpitë e largëta.