Drejtori i Postës në Lezhë, Pjerin Çuku është dhunuar pasditen e sotme në lagjen “Gurra”.
Raportimet e para tregojnë se Çuku ka marrë disa goditje dhe më pas është dërguar në urgjencën e spitalit të Lezhës.
Ngjarja ndodhi rreth orës 16:35. Policia njoftoi se dy persona janë konfliktuar me grushte me 42-vjeçarin dhe më pas janë larguar me vrap.
“Grupi hetimor nën drejtimin e Prokurorisë po punon për zbardhjen e motiveve të ngjarjes, identifikimin dhe kapjen e autorëve”, thuhet në njoftimin e bluve.
Ndërkaq, burime policore thanë se dyshimet e para janë se ngjarja lidhet me konflikte personale të Çukut dhe nuk ka lidhje me detyrën.
