Përplasje verbale këtë të Enjte në Kuvend mes ministres së Financave Delina Ibrahimaj dhe deputetëve të “grupit Alibeaj”.
“Trego kush ta ka dhënë shtëpinë? Kush ta ka dhënë shtëpinë ku jeton”, iu drejtua nga vendi deputeti Gazment Bardhi – ministres së Financave, pasi kjo e fundit i etiketoi si “opozita e vulës”.
Më tej, Bardhi e quajti “shërbëtore e oligarkëve”.
Ndërkohë, Jorida Tabaku iu drejtua: “Të të vijë turp që më thua mua opozita e vulës. Askush se ka arrogancën tënde, paaftësinë tënde, apo siç tha se kolegu Gazment Bardhi korrupsionin tënd”.
Në përgjigje të akuzave, Ibrahimaj tha: “Unë jetoj në rrugën ‘Rexhep Jella. Shtëpia është në pronësi të babait të bashkëshortit tim. Ju lutem, spiunët tuaj sillini me mua të më shoqërojnë edhe sot, nesër, pas 1viti dhe pas 5 vjetësh, se ajo është shtëpia ku unë jetoj. Ju dini vetëm të shpifni”.
