Në mbledhjen e Komitetit Drejtues të Partisë së Lirisë, kreu i saj Ilir Meta ka adresuar një sërë problemesh që i kanosen vendin me Edi Ramën kryeministër, duke u ndalur gjatë te korrupsioni dhe nepotizmi në dogana, tatime apo edhe te IKMT.
Duke marrë në konsideratë konstatimet dhe paralajmërimet e FNM për problemin që lidhet me pastrimin e parave nëpërmjet sektorit të ndërtimit dhe “vijën e kuqe” të ndërkombëtarëve për Aministinë Fiskale, Meta tha se Tirana është kthyer në një “lavatriçe” të parave të pista.
“Kullat në Tiranë janë kthyer në lavatriçe të pastrimit të parave të pista. Ju e keni parë se si nga Tëeatri Kombëtar, 5 maji, del e njëjta fytyrë çnjerëzore e Rilindjes. U sulmua me tërbim pallati në rrugën Myslym Keta. Banditët e Rilindjes nuk prisnin dot as banorët të mblidhnin rrobat e tyre. Për banditët e Rilindjes, gjykatat nuk ekzistojnë”, tha Meta.
Më pas kreu i PL u ndal te korrupsioni në adminitratë, duke theksuar se institucionet publike janë kthyer në “kamzhik” me të cilin Rilindja ndëshkon qytetarët.
“Është kthyer në kamzhikun e Rilindjes. Armikun e ka parë e gjithë Shqipëria, në çdo zyrë doganash e tatimesh ka instaluar hajdutërinë. Drejtësia e vërtetë nga ajo me regji, ndahet nga lufta ndaj korrupsionit. Kemi drejtësi me ragji. Pastrohen para sheshit me aferën e Portit të Durrësit dhe inceneratorët. Këta të fundit vazhdojnë të gllabërojnë mijëra euro. Koncensionet miliardere të rrtugëve që nuk bëhen kurrë, gllabërojnë miliardat e qytetarëve.
Po bëhet batërdia në dogana, vazhdon e pashqetësuar drejtësia. Vazhdon edhe në kulmin e krizës, vjedhja përmes energjisë. Korrupsioni i provuar me fakte në ujësjellësa, vazhdon dhe uji nuk vjen. Korrupsioni qindra milionë euro me Rilindjen, është sheshit. Korrupsioni me çmimin e naftës, ku oligarkët vjedhin qindra milionë euro nga xhepat e qytetarëve, vazhdon, por justifikimet e Rilindjes janë luftimet në Ukrainë”, theksoi ai.
Sipas Metës, “korrupsioni është kthyer në të vetmin qëllim shtetëror të Rilindjes në fuqi”, çka e bën Shqipërinë sot shtetin më të paaftë për tërheqjen e fondeve të BE-së.
“Kjo qeveri ka një administratë të paaftë. Nuk i do projektet e BE-së, pasi ato kanë rregulla dhe procedura transparente. Kanë monitorime, ndaj kjo është arsyeja që refuzohen shumë projekte në mënyrë që Rilindja me borxhet e jashtëzakonshme, të bëjë autostrada me km 20 mln euro shumë herë më tepër se shtetet e BE-së“, deklaroi Meta.
Kreu i Partisë së Lirisë u ndal edhe te kandidatët e zgjedhjeve të 14 majit, duke u shprehur se opozita futet në këto zgjedhje me “super kandidatë” përballë emrave të mazhorancës, të cilët kanë fytyrën e policisë së dhunshme e me maska.
“Opozita është me super kandidatë në Tiranë, Elbasan e Durrës dhe përballë kemi kukullat e Rilindjes që kanë fyryrën eatyre policëve me maska që shembën ‘Prestige’-in që ishte me leje, dhe ata që shkuan për të nxjerrë familjet nga pallatet te ‘Myslym Keta’, ata që kanë nxjerrë familjet në rrugë me gaz lotsjellës dhe tani bëjnë sikur u qan zemra e shpirti për afganët e këdo tjetër”, tha Meta.
