Prokuroria e posaçme kopsiti sot dosjen për inceneratorin e Fierit duke dërguar para gjykatës 21 të pandehur, me të cilëve ish-ministrin Lefter Koka dhe ish-deputetin e PS, Alqi Bllako.
Por, për deputeten e Partisë së Lirisë, Monika Kryemadhi se kjo dosje duket qesharake dhe ky hetim i pabesueshme prej faktit se nuk janë përfshirë aty figurat e PS që kryen vepra të rënda penale, ku më kryesori është vetë kryeministri Edi Rama.
“Me inceneratorin e Fierit, qeveria dhe pronari i inceneratorëve, Edi Rama, synon të mbyllë këto dosje me zinxhir viktimash apo mercenarësh që janë përdorur për realizimin e grabitjes së parave të qytetarëve shqiptarë. Bllako e Koka janë propozuesit e veprës penale, por ata që kanë kryer veprën penale janë lënë jashtë dosjes. Qesharak e bën këtë proces lënia jashtë e njerëzve që janë të lidhur drejtpërdrejt me Edi Ramën dhe PS-në”, tha Kryemadhi.
Kryemadhi tha për SyriTV se inceneratorët janë pika kryesore për të vërtetuar nëse Reforma në Drejtësi do jetë realiste dhe e suksesshme, ndërsa sipas saj emërimi i Altin Dumanit në krye të SPAK nuk ndryshon asgjë për drejtësinë.
Nëse kjo çështje mund të trajtohet ndryshe me kreun e ri të SPAK, Kryemadhi theksoi se loja që u bë me këtë të fundit, ishte lojë politike për të larguar vëmendjen nga problematikat që ka Shqipëria.
