Një varkë me emigrantë u përplas në një breg shkëmbor në pjesën jugore të Lesvos, në Greqi.
Ngjarja e rëndë mësohet të ketë ndodhur një ditë më parë, por vetëm sot është bërë publik në media. Mediat greke shkruajnë se një foshnje ka humbur jetën teksa babai raporton se kur anija u përplas me shkëmbinjtë, foshnja ra në det.
Porti i Mitilinës dhe një ambulancë kanë mbërritur në vendin e ngjarjes dhe kanë gjetur foshnjen e vdekur që u dërgua në spitalin Bostanio për autopsi.
Në varkë ndodheshin 34 persona, kryesisht me origjinë afrikane. Tashmë, ata janë dërguar në Kara Tepe KYT.
