Roy Keane ka treguar ‘favoritin e lehtë’ për të fituar finalen e Kupës së Botës mes Argjentinës dhe Francës dhe ka zbuluar se kë dëshiron ta ngrejë trofeun.
Franca, kampione në fuqi do të përballet me Argjentinën dy herë fituese në finalen e Kupës së Botës 2022 të dielën, ora 16:00.
Në lidhje me finalen e madhe, ka folur edhe ish-kapiteni i Manchester United, Roy Keane. Ai beson se prania e Messit e bën Argjentinën ‘favorite të lehtë’ dhe pranon se ky është rezultati që ai dëshiron të shohë.
“Është intriguese, është një finale e mrekullueshme dhe një finale që duhet pritur me padurim. Ju shikoni Francën kundër Marokut dhe Anglisë dhe mendoni se ata nuk janë të mirë, por ata e kryejnë punën. Ata kanë pwsuar një gol në ato dy ndeshje dhe kjo ishte një penallti.
Por Argjentina, me gjithë mbështetjen pas vetes, energjinë e skuadrës dhe sigurisht Lionel Messin, duhet të thoni se janë pak favorit. Ne pamë kulmin e Messit [në fitoren gjysmëfinale ndaj Kroacisë]. E ka bërë për vite e vite. Ai është fantastik dhe më pëlqen ta shikoj. E dini çfarë, shpresoj që ta fitojnë, edhe nëse është vetëm për të.”
Legjenda e Old Trafford shtoi: “Unë mendoj se Argjentina do të inkurajohet nga rastet qw krijoi Maroku dhe sa e lehtë ishte të kalonte mesfushën e Francës”
“Por shikoni, e diela është një lojë ndryshe. Intensiteti do të jetë i ndryshëm. Franca është kampione e Botës, kështu që ata do të kenë besim dhe lojtarët sulmues me siguri mund të dëmtojnë Argjentinën. Do të ketë respekt, por të dyja skuadrat do t’i krijojnë shanset e tyre.” tha Keane për ITV Football .
