Është publikuar fotoja e 34-vjeçarit, Besmir Karaj, i shpallur në kërkim për vrasjen e 61-vjeçarit Menduh Shaban Kurt-Deda në Tiranë.
Ngjarja ka ndodhur në vitin 2017, ku ky i fundit fshihej prej kohësh pasi kishte një borxh me vlerë 1 milion lekë të reja ndaj të dashurës Marjeta Karaj (nëna e Besmir Karajt).
Marjeta Karaj së bashku me të birin, Besmir Karaj, 34 vjeç dhe shokun e tij Gazmir Ngota, 39 vjeç, sapo zbuluan se ku ndodhej, arritën ta fusnin me forcë në makinë dhe më pas e çuan në zonën e Alliasit, ku e rrahën. Më vonë, Karaj dhe Ngota, e çuan në një zonë pyjore, në Kodër-Shupal ku e lidhën me litar dhe e dogjën për së gjalli.
Të tre autorët akuzohen për veprën penale “Vrasja me dashje”, ndërsa burimet kanë konfirmuar se Besmir Karaj ndodhet aktualisht në Itali.
