Policia e Durrësit ka arrestuar një vajzë nga Kosova.
Në pranga ka rënë shtetasja 30-vjeçare me iniciale E.B, pasi tentoi të kalonte kufirin me dokumente të falsifikuara.
“Tentoi të kalonte kufirin me dokumente të falsifikuara, kapet në flagrancë në PKK Port Durrës dhe vihet në pranga 30-vjeçarja. Shërbimet e Policisë Kufitare në PKK Port Durrës, në vijim të kontrolleve, duke përdorur pajisje të teknologjisë bashkëkohore, me qëllim parandalimin, evidentimin dhe goditjen e krimeve kufitare, arrestuan shtetasen E. B., 30 vjeçe, banuese në Kosovë, pasi ka tentuar të kalojë kufirin, me dokumente të falsifikuara”, thuhet në njoftimin e policisë.
