Pas 5 vitesh policia arriti të zbardhë një ngjarje kriminale dhe të identifikojë një trup të shkrumbuar që u gjet në 2017, në “Kodër-Shupal” të Dajtit.
Viktima është 60-vjeçari Menduh Kurt-Deda, banues në Lukovë të Sarandës, i cili është djegur për së gjalli, pasi më parë ishte dhunuar për një borxh të pashlyer, me vlerë 1 milionë lekë të reja.
Autorët e ngjarjes sipas autoriteteve janë Marjeta Karaj, 56 vjeç, i biri i saj Besmir Karaj, 34 vjeç dhe miku i tij Gazmir Ngota, 39 vjeç.
Sipas informacioneve policore, viktima dhe Marjeta Karaj punonin së bashku në organizatën “Ndihmë dhe kujdes për fëmijët jetimë të ushtarakëve, brenda dhe jashtë vendit”, të krijuar pre të dyve.
Marjeta Karaj aktualisht është drejtoreshë e qendrës. Por borxhi i pakthyer nga 60-vjeçari është bërë shkak i ngjarjes rëndë.
Për të marrë paratë, Marjeta Karaj, djali i saj dhe Gazmir Ngota kishin lënë takim në 2017 tek zona e Xhamllikut me Menduh Shaban Kurt-Dedën. Ata e kanë marrë peng 60-vjeçarin që fshihej prej kohësh, duke e çuar në zonën e Alliasit për ta dhunuar.
Më pas i biri i Marjetës dhe Gazmir Ngota e çuan në zonën pyjore “Kodër-Shepal”, ku e lidhën dhe e dogjën për së gjalli.
Viktima u identifikua pas 5 vitesh nga këmba e majtë, pasi nuk ishte djegur dhe dekompozuar plotësisht.
Dy të arrestuarit dhe Besmir Karaj (dyshohet se jeton në Itali) i shpalluri në kërkim akuzohen për vrasje me dashje të kryer në bashkëpunim.
