KFOR-i po vazhdon ta monitorojë situatën në veri të Kosovës pas tensioneve të ditëve të fundit.
Ditën e djeshme disa pjesëtarë të kontigjentit britanik të KFOR-it u afruan afër një barrikade, ku ndodheshin një grup serbësh. Sipas medieve kosovare, ushtarët britanikë nisën të flisnin me ta, duke i pyetur se nga kush drejtohen barrikadat.
Një nga serbët, i cili fliste anglisht, iu përgjigj duke thënë se për këtë ata duhej të flisnin me përfaqësuesit politikë të këtij komuniteti.
Ushtarët britanikë i pyetën serbët nëse ishin të lumtur, dhe ata u përgjigjën pozitivisht. Për këtë, ushtarët e KFOR-it thanë se edhe ata janë të lumtur nëse serbët janë të lumtur.
