Piers Morgan refuzon të heqë dorë nga pretendimi i tij se Cristiano Ronaldo është futbollisti më i madh i të gjitha kohërave, pavarësisht paraqitjeve të bujshme të Lionel Messit për Argjentinën, duke këmbëngulur se ‘një Kupë Bote nuk të bën më të mirin në histori”.
Messi dha një tjetër shfaqje spektakolare gjatë fitores 3-0 të Argjentinës kundër Kroacisë të martën mbrëma, duke e kualifikuar kombin e tij në finalen e së dielës (ndaj Francës).
35-vjeçari shënoi me penallti në pjesën e parë, përpara se të asistonte shkëlqyeshëm në golin e dytë të Julian Alvarez. Teksa fansat në rrjetet sociale e quanin Messin si futbollistin më të mirë ndonjëherë, Morgan këmbënguli se Ronaldo ishte akoma më i miri i të gjitha kohërave dhe mbrojti qëndrimin e tij në një intervistë me talkSPORT të mërkurën.
“Për këtë unë gjithmonë do të bëj një mbrojtje shumë pasionante dhe me argumente ndaj Ronaldos. Mendoj se e meriton këtë titull. Një Kupë Botërore nuk të bën më të mirin dhe Messi nuk e ka fituar ende!
Kur shikoni statistikat mes Ronaldos dhe Messit, është e rëndësishme të mbani mend se Ronaldo është dy vjet më i madh. Është gjithashtu e rëndësishme të kujtojmë se, ndryshe nga Messi, i cili qëndroi zonën e tij të rehatisë te Barcelona për 17 vjet, Ronaldo ka fituar tituj të ligës në katër vende të ndryshme, duke përfshirë tre ligat më konkurruese në botë.”
“Ai e ka nxjerrë veten jashtë zonave të rehatisë – ai mund të kishte qëndruar në Real Madrid për pjesën më të madhe të karrierës së tij nëse do të donte, por ai qëllimisht e ka futur veten në liga të reja dhe sfida të reja. Ndërsa Messi, ai e ka bërë këtë vetëm për Barcelonën, dhe aty rreth tij gjatë gjithë kohës ishin lojtarët më të mëdhenj në botë. Ronaldos shpesh i është dashur ta udhëheqë atë linjë pak a shumë vetë”.
Pas paraqitjes të Messit të martën, Gary Lineker pyeti në Twitter : ‘A ka ende një debat? Duke kërkuar një GOAT.
Pak më vonë, prezantuesi i Talk TV thjesht shkroi në Twitter si përgjigje: ‘Nuk ka. Është Ronaldo. Diego Maradona, për mua, është argjentinasi më i madh që ka luajtur ndonjëherë këtë lojë – Messi nuk e merr as atë titull.
“Nëse shikoni golat e karrierës, golat e Champions League, Ronaldo është shumë përpara. Ai është më i mirë në ajër, është më i mirë me të dyja këmbët, megjithëse Messi bën mrekullira me këmbën e majtë. Mund të mbledh një fletë mjaft të madhe faktesh, të cilat mendoj se të çojnë në përfundimin se jo vetëm që Ronaldo është më i miri por që Messi nuk është as argjnetinasi më i mirë ndonjëherë.”
Dhe unë mendoj se Franca do të fitojë Kupën e Botës dhe do t’i thyejë zemrën Messit, gjithsesi! Në një përgjigje të veçantë ndaj një pyetjeje të ngritur nga Jeff Stelling në Twitter, Morgan pohoi se legjenda e Brazilit, Ronaldo, madje mund të renditet mbi Messin në debatin më të madh të të gjitha kohërave.
“Unë mendoj se Cristiano Ronaldo është më i miri ndonjëherë, Maradona i dyti, Messi i treti (ndoshta i katërti në fakt, pas R9),” propozoi ai në mediat sociale.
