Futbollistët e Anglisë po kthehen në shtëpi pa trofeun e Kupës së Botës, por ata nuk shkuan plotësisht duarbosh në atdheun e tyre, kur u larguan nga baza stërvitore në Al Wakrah.
Mbrojtësit Kyle Walker dhe John Stones, të cilët të dy startuan për skuadrën e Gareth Southgate në humbjen 1-2 të së shtunës nga Franca, u miqësuan me një mace endacake gjatë qëndrimit të tyre katër javor në Katar.
Stones e quajti atë Dave, ndërsa Walker kishte thënë se ata kishin në plan ta adoptonin macen dhe ta kthenin në shtëpi në Angli, nëse “Tre Luanët” triumfonin përfundimisht.
Pavarësisht se ëndrra përsëri nuk u bë realitet, duket se lojtarët ishin bërë shumë të dashur për Dave për t’i dhënë lamtumirën e fundit, kur u larguan nga Al Wakrah.
View this post on Instagram
Macja u transportua në një klinikë veterinare lokale për teste dhe vaksinime dhe do të kalojë katër muaj në karantinë përpara asaj që supozohet se është një transferim falas në ”Manchester City” ose nën kujdesin e Stones ose Walker, të cilët të dy luajnë për kampionët e Premier League.
“Dave është e mirëpritur. Disa njerëz vërtet nuk i pëlqejnë macet, por unë e dua atë. Çdo natë ai është duke pritur për ushqimin e tij”, tha Stones.
Walker gjithashtu u tha gazetarëve se Dave ishte përfshirë në një luftë me një mace rivale përpara humbjes së tetë të fundit nga Les Bleus.
“Dave është mirë, faleminderit që pyetët”, tha Walker.
Dave nuk është macja e vetme që ka rrëmbyer vëmendjen e mediave në Katar. Para humbjes së tyre në çerekfinale nga Kroacia, konferenca për shtyp e Brazilit u pushtua nga një mace që u ul para kamerave pranë sulmuesit Vinicius Junior.
