Ditën e sotme, në orën 11:00, do të mblidhet Komisioni Qendror Zgjedhor në Kosovë ku në rend dite është certifikimi i kandidatëve të subjektit politik Lëvizja Vetëvendosje për Kuvend Komunal në Leposaviq.
Lajmin e ka konfirmuar dhe zëdhënësi i KQZ Valmir Elezi, i cili njoftoi dhe mbledhjen e tij si dhe rendin e ditës në vijim të procesit të zgjedhjet në veri të Kosovës.
“Ju njoftoj se sot (10.12.2022, ora 11:00) Komisioni Qendror i Zgjedhjeve mban mbledhjen e radhës me rendin e ditës të cilin e gjeni të bashkangjitur”, ka thënë zëdhënësi i KQZ-së, Valmir Elezi.
Pas incidenteve që u regjistruan në veri të vendit pati thirrje për shtyrje të zgjedhjeve për kryetarë komunash në Veri të caktuara më 18 dhjetor. Presidentja Vjosa Osmani theksoi se do të priste raportin nga Komisioni Qendror Zgjedhor për të marrë vendimin për shtyrje ose jo të zgjedhjeve për kryetarë të komunave në veri të vendit.
