Tre vëllezër shqiptar janë arrestuar nga autoritetet italiane pasi dyshohet se menaxhonin tregtimin e kokainës dhe hashashit në Città della Pieve. Me një bazë klientësh që do të përfshinte gjithashtu provincat Terni dhe Siena.
Hetimet nisën në tetor 2021. Aksionet dhe përndjekja, edhe falë përdorimit të GPS-it, kamerave të vëzhgimit me video dhe përgjimeve, bënë të mundur rindërtimin e aktivitetit të dyshuar të paligjshëm, por edhe gjetjen e 300 gramë kokainë dhe 1.5 kilogramë hashash që do të shitej në treg për 30 mijë euro. Veprimtaria e hetimit bëri të mundur edhe identifikimin e disa rrënojave në fshatin Città della Pieve, të përdorura si depozita për drogën, shkruajnë mediat italiane.
Gjatë kontrolleve pas ekzekutimit të urdhrit janë sekuestruar 2 mijë euro cash dhe pesë celularë, një prej të cilëve është hedhur nga dritarja në momentin e mbërritjes së hetuesve. Në pajisje do të kryhen analiza të thella.
