Detaje të reja janë zbuluar nga aksidenti me vdekje që ndodhi ditën e sotme në aksin rrugor Gjirokastër-Sarandë, në vendin e njohur si Qafa e Muzinës.
Etleva Bejko është 50-vjeçarja që gjeti vdekjen pasi automjeti i saj ka dalë nga rruga dhe është rrokullisur.
Mësohet se Bejko me origjinë nga Saranda, banonte në Greqi aty ku dhe kishte ngritur biznesin e saj të tekstileve.
Ajo ishte nisur për të takuar familjarët e saj, mirëpo udhëtimi rezultoi tragjik.
Mësohet se para aksidentit tragjik, 50-vjeçarja kishte qenë duke bërë video-live në rrjetet sociale.
Njoftimi i policisë:
“Rreth orës 11:30, në vendin e quajtur Qafa e Muzinës, Sarandë, shtetasja E. B., 50 vjeçe, duke drejtuar automjetin tip “Hyundai” dyshohet se ka humbur kontrollin dhe ka dalë nga rruga. Si pasojë e aksidentit shtetasja E. B, ka ndërruar jetë, në vendngjarje”, njofton policia.
