Ish-zëvendëskomandanti i Forcës Detare, Artur Meçollari, përmes një postimi në rrjete sociale shkruan se kryeministri Edi Rama duhet të kërkojë falje dhe të shkarkojë ministren e Punëve të Jashtme, Olta Xhaçka, pas lajmërimit se ambasadores së Shteteve të Bashkuara të Amerikës, Yuri Kim i ka mbaruar mandati dhe duhet zëvendësuar.
Meçollari shton se nëse nuk ndodh kjo gjë, do ketë pasoja për MEPJ. Sipas Meçollarit është hera e dytë që në Shqipëria hap procedura për zëvendësimin e një ambasadoreje, gjë që nuk u takon autoriteteve shqiptare. Të parin përmend, zëvendësimin e ish-ambasadorit Aleksandër Arvizu.
Postimi:
Cinizmi që do ti kushtojë MEPJ. Nëse KM Edi Rama nuk shkarkon MEPJ dhe i kërkon falje SHBA, siç i kërkoi KM Grek Mitsotakis, mesazhi i MEPJ është formuluar nga ai vetë dhe është publikuar me lejen e tij. Sot, MEPJ publikoi një lajm se ka filluar procedura e zëvendësimit të Ambasadores Kim. Njoftimi është jashtë praktikës dhe etikës së marrëdhënieve ndërkombëtare. MEPJ thjesht është njoftuar nga Ambasada e SHBA, për dijeni, për këtë procedurë dhe nuk ka asnjë autorizim apo mirëkuptim të publikojë një informacion të tillë. Procedura e zëvendësimit është kompetencë e Qeverisë së SHBA. Por, po aq e rëndë është mungesa e etikës duke mos e quajtur “Ambasadore e SHBA në Shqipëri Znj. Yuri Kim”, por thjesht “Ambasadorja Kim”.
A thua se bëhet fjalë për një person të parëndësishëm, pa imunitet dhe pa kredenciale diplomatike?? Apo MEPJ ka goxha konfidencë???? Dhe për më tepër bëhet fjalë për ambasadoren e SHBA, partnerit strategjik të Shqipërisë, Kosovës dhe shqiptarëve. Në Historinë 30-vjeçare të rivendosjes së marrëdhënieve diplomatike me SHBA, në Shqipëri kanë shërbyer 12 ambasadorë dhe të ngarkuar me punë. Por, njoftimi i sotëm i MEPJ është njoftimi i dytë i kësaj natyre.
Në 21 qershor 2013, vetëm dy ditë përpara humbjes së zgjedhjeve parlamentare, ish-KM Sali Berisha, nëpërmjet ish-zëvendësministres së MPJ njoftoi se Ambasadori i SHBA në Shqipëri Z. Aleksandër Arvizu përfundoi mandantin. PS. Foto me Ambasadoren e SHBA Znj. Yuri Kim gjatë vizitës së saj në Bazën Detare të Pashalimanit më 7 korrik 2020, ndërsa kryeja detyrën e Zëvendëskomandantit dhe Komandantit në Detyrë i Forcës Detare.
Ministria për Europën dhe Punët e Jashtme, ka konfirmuar në “Tëitter” se procedura për zëvendësimin e Kim ka nisur. Në pozitën e ambasadorit amerikan në Shqipëri, pritet të emërohet David Kostelanick. Ky i fundit njihet si njohës i çështjes Ruse, teksa aktualisht ka pozicionin e drejtorit në Zyrën për Europën Qendrore dhe Jugore në Departamentin Amerikan të Shtetit.
