Ndeshja mes Tiranës dhe Vllaznisë, që do të përcaktojë fituesin e Superkupës së Shqipërisë të këtij edicioni, pritet që të ndiqet me shumë entuziazëm në shkallët e stadiumit “Air Albania”.
Kjo shihet edhe nga fakti se që një orë para ndeshjes, grupe të ndryshme tifozësh kanë filluar të futen në impiantin kryeqytetas për të ndjekur duelin klasik të futbollit shqiptar.
Mbështetësit e të dy skuadrave kanë përjetuar një rivalitet shumë të ndezur mes tyre në dy vitet e fundit ndaj pritet që rikthimi i futbollit shqiptar pas një pauze të gjatë, të ketë spektakël në fushë, por edhe tribuna.
