Burg përjetë është dënimi që ka dhënë drejtësia italiane për 32-vjeçarin shqiptar Paulin Meçaj dhe bashkëpunëtorin e tij Italian Andrea Capone, të cilët janë auutorë të vrasjes së një ish-bankieri.
Ngjarja për të cilën akuzoheshin ndodhi në Leçe 16 korrikun e vitit të kaluar.
Meçja dhe bashkëpunëtori i tij italian vranë në sytë të gruas së tij ish-bankierin 69-vjeçar italian, Giovanni Caramuscio, teksa ishte duke tërhequr para nga një bankomat.
Ata u shpallën fajtor ditën e sotme nga gjykata për akuzat e “vrasjes me dashje”, “grabitjes me pasoja të rënda” dhe “armëmbajtje pa leje”.
Në veçanti, Mecaj argumentoi se nuk ishte qëllimi i tij për të vrarë ish-bankierin, por prokurori nënvizoi gjatë aktakuzës se gjatë intervistave të përgjuara në burg, dy të pandehurit nuk janë penduar për vrasjen.
