Ka nisur grumbullimi i protestuesve në Bulevardin “Dëshmorët e Kombit” në kryeqytet. Protestuesit mbajnë në duar një pankartë me mesazhin drejtuar Europës “Na hidh një jelek shpëtimi”. Të njëjtin mesazh, një grup të rinjsh e kanë stampuar edhe në bluzat që mbajnë veshur.
Kreu i PD-së Sali Berisha dhe ai i Partisë së Lirisë Ilir Meta i janë bashkuar protestës.
Protesta u lajmëruar për t’u mbajtur nga ora 12:00. Zhvillimi i saj ditën kur në Tiranë mbahet samiti BE-Ballkani Perëndimor, vjen sipas organizatorëve, për ti treguar Europës Shqipërinë e vërtetë.
Policia nga ana tjetetër ka bllokuar kalimin nga ura në Bulevardin “Dëshmorët e Kombit” deri te Sheshi “Nënë Tereza”.
Qindra protestues raportohet se janë nisur nga rrethet drejt Tiranës me autobusë. Ndërkohë kryeqyteti është e ‘blinduar’ totalisht duke qenë se po mbahet Samiti BE-Ballkani Perëndimor. Uniformat blu janë të shumta, ndërkohë që në tarracat e çdo godine ka gjithashtu forca sigurie me snajper.
