“Serbia do të jetë në samit dhe s’ka asnjë rrugë tjetër për Presidentin e Serbisë, përkundër do të ishte katastrofë për atë vetë dhe Serbinë”.
Ky ishte komenti (në formë ultimatum) që Edi Rama dha sot në konferencën për mediat në vigjiljen e Samitit BE-Ballkani Perëndimor që do të zhvillohet në Tiranë më 16 dhjetor.
Shefi i qeverisë u pyet nga gazetarët lidhur me deklaratat e fundit të Vuçiç ku e konsideroi Albin Kurtin “një llum-terrorist” dhe kërcënoi Kosovën e Bashkimin Europian, duke shprehur hapur refuzimin për t’iu bashkuar tryezës së takimit në Tiranë, në emër të delegacionit serb.
“Më mirë të mos jem sesa t’ua dorëzojë në duar. Dhe nuk do t’ua dorëzojë. Askush nga Serbia nuk do të jetë në Tiranë me 6 dhjetor”, tha Vuçiç pak ditë më parë teksa shprehte zemërimin me atë që e konsideroi “reagim i butë i Bashkimit Evropian” ndaj emërimit të kreut të PDP, Nenad Rashiç, në postin e ministrit për Kthim dhe Komunitete në qeverinë e Kosovës.
