E përfolura si e dashura e Vladimir Putin, 39-vjeçarja Alina Kabaeva ka bërrë një paraqitje të rrallë publike sot, pasi kishte qëndruar disa muaj në hije.
Ylli olimpik dhe fituesja e medaljes së artë, është parë shumë rrallë në publik këtë vit, por u shfaq sot për të hapur një qendër të re stërvitore gjimnastike.
Pavarësisht kësaj, ajo ka shmangur çdo përmendje të luftës së përgjakshme në Ukrainë dhe problemeve shëndetësore të përfolura të diktatorit.
Duke hapur kompleksin e ri në Soçi, ajo shmangu komentet për lajmin se Putini kishte rrëshqitur në shkallët e rezidencës së tij në Moskë dhe vuante nga kanceri dhe probleme të tjera shëndetësore.
Ajo gjithashtu nuk bëri asnjë referencë të drejtpërdrejtë për luftën e tij në Ukrainë, në të cilën mbi 100,000 rusë besohet se janë vrarë ose gjymtuar.
Në vend të kësaj, ajo u tha gjimnastëve në turneun ndërkombëtar “Divine Grace” se e pamundura është e mundur.
“Kur isha në gjimnastikë dhe sportiste, as që mund të ëndërroja për kushte të tilla siç ju keni në këtë qendër të re stërvitore sportive”, tha ajo.
“Por siç e tregon jeta, e pamundura është e mundur. Dhe Rusia është një vend me mundësi të mëdha”, shtoi e dashura e Presidentit rus.
Mediat shtetërore të Moskës nuk lejohen të diskutojnë lidhjen e saj 15-vjeçare me Putinin dhe as fëmijët që përflitet se kanë së bashku.
