Rusia ka thënë se do të vazhdojë të gjejë blerës për naftën e saj, pavarësisht asaj që ajo thotë se është një përpjekje “e rrezikshme” nga qeveritë perëndimore për të vendosur një kufi çmimi në eksportet e saj të naftës.
Një koalicion i vendeve perëndimore të udhëhequr nga Grupi i Shtatë vendeve (G7) ranë dakord të kufizojnë çmimin e naftës ruse të eksportuar nga deti në 60 dollarë për fuçi, me synimin për të kufizuar të ardhurat e Moskës dhe për të frenuar financimin e saj të pushtimit të Ukrainës.
Presidenti rus Vladimir Putin dhe zyrtarë të lartë të Kremlinit kanë theksuar vazhdimisht se nuk do të furnizojnë naftë për vendet që zbatojnë kufizime çmimesh.
Në komentet e postuara në Telegram, ambasada ruse në Shtetet e Bashkuara kritikoi “transformimin” e parimeve të tregut të lirë dhe përsëriti se nafta e saj do të vazhdojë të jetë e kërkuar pavarësisht masave.
“Këto hapa do të çojnë në mënyrë të pashmangshme në rritjen e pasigurisë dhe vendosjen e kostove më të larta për konsumatorët e lëndëve të para”, thuhet në deklaratë.
Ata shtojnë se, “pavarësisht flirteve aktuale me një instrument të rrezikshëm dhe të paligjshëm, ne jemi të bindur se nafta ruse do të vazhdojë të jetë e kërkuar”.
Kufiri i çmimit të G7 do të lejojë vendet jo anëtare të BE-së të vazhdojnë importimin e naftës së papërpunuar ruse në det, por do të ndalojë kompanitë e transportit detar, sigurimesh dhe risigurimesh të trajtojnë naftën bruto ruse në mbarë botën, përveç nëse ajo shitet për më pak se çmimi i specifikuar.
