Anëtari i Kryesisë së Partisë Demokratike, Abi Malltezi me anë të një postimi në Facebook, ka zbuluar dokumentacione që provojnë përfshirjen në aferën e inceneratorëve të Eva Bushit, bashkëshortes së ish-deputetit të PS, Ben Blushi.
Sipas shpjegimit të Malltezit, njëjtë si vepra penale që ka kryer ish-ministri i Mjedisit, Lefter Koka, edhe bashkëshortja e Blushit përmes kompanisë “EM Capital Group AD” ka lëshuar fatura fiktive për llogari të koncesionarit të inceneratorit të Tiranës, Klodian Zoto.
Sipas tij më shumë se 1 milion euro fatura fictive janë lëshuar nga kompania e Eva Bushit për llogari të mafies së inceneratorëve.
Malltezi ndër të tjera ka publikuar edhe një autorizim për përdorim të një automjeti “Range Rover” lëshuar nga administrtorja e “Albtek Energy shpk”, Stela Gugallja për llogari të Eva Bushit.
Në vijim ai kërkon nga Prokuroria e Posaçme që të reagojë edhe për këta “banditë” ashtu siç arrestoi Kokën.
“A-SPAK ndaj Rames dhe bandes se tij! Lefter Koka ka 1 vit ne burg per leshim faturash fiktive qe kane marre gati 4 miljon euro nga kompania e inceneratoreve. POR ja qe edhe Blushi qe mundoi gruan deri ne Bullgari ka leshuar mbi 1 miljon euro fatura fiktive per kompanine e inceneratoreve qe paguhet me taksat e Shqiptareve! PO ME BLUSHIN & BANDITET E TJERE TE RAMES KU SPAK? Pse me dy fytyra dhe disa standarte?”, shkruan Malltezi në Facebook.
