Drejtori i Portit të Durrësit, Pirro Vëngu tha këtë të Mërkurë në një emision televiziv se me projektin e ri të Portit të Durrësit, do të bëhet zhvendosja e aktivitetit tregtar në Porto Romano.
Ai u shpreh në emisionin “Opinion” se parashikohet që ndërtimi i portit të ri në Porto Romano do të kushtojë 390 mln euro. Vëngu pranoi se si autoritet portual “kemi në fondet tona 25 mln euro”.
Por si do të financohet pjesa tjetër?
Vëngu u përgjigj se do të financohet me buxhetin e shtetit, ndërsa ekspertja e ekonomisë Zana Guxholli shprehu shqetësimin se kjo rrezikon të rrisë borxhin.
I pyetur se kur parashikohet që investimi të rikthehet, ai u përgjigj: Për 15 vite.
