Tekniku kroat, Zlatko Daliç, në konferencën për shtyp përpara ndeshjes vendimtare përballë Belgjikës është shprehur se ndeshja e nesërme do të jetë e vështirë dhe se nuk duhet të mashtrohen nga paraqitjet e dobëta të Belgjikës.
“Nëse do të kishim mundur të zgjidhnim, nuk do të kishim dashur që kjo të ishte ndeshja vendimtare. Do të jetë e vështirë, nuk duhet të mashtrohemi nga paraqitjet e këqija të Belgjikës, do të jetë thelbësore edhe për ta nëse duan të përparojnë, përmes grupit do të përpiqemi të shënojmë të paktën pikën që na duhet, por nëse fillojmë të numërojmë rrezikojmë të gjejmë vetëm gjëra të këqija. Duhet të luajmë siç bëmë me Kanadanë. Ata kanë De Bruyne, Lukaku, Hazard. Beteja do të jetë e ashpër, por ne kemi cilësinë tonë dhe nuk duhet të heqim dorë nga të qenit të sigurt. Presim Belgjikën më të mirë kundër, do të jemi gati për sfidën”,- tha Daliç, në konferencën për shtyp.
Ndërkaq, i pyetur nga nga mediat, nëse pret të ketë kundër Lukakun në fushë, tekniku Daliç tha se e ka përgatitur ndeshjen, duke pritur Lukakun si titullar, për faktin se me shtatlartin belg në fushë, skuadra e Belgjikës ndryshon skemat e saj të lojës.
