Një kompliment nga ylli brazilian Neymar, sipas mediave ka çuar ditën e djeshme në një krisje të marrëdhënies së çiftit të famshëm të showbizit, reperit Fero dhe modeles Arbenita Ismajli.
Dyshja që janë edhe prindër të një fëmije nuk e ndiqnin më njëri-tjetrin në rrjetet sociale, pak pasi Arbenita postoi një video në “TikTok” (të cilën e fshiu menjëherë) ku shihej mesazhi që i kishte dërguar futbollisti i PSG në “Instagram”.
Lajmi për emojin që Neymar i dërgoi modeles dhe një ndarje e mundshme nga Fero bëri xhiron e rrjetit.
Por për kuriozitetin e fansave ka menduar Fero, i cili në një Live në “Instagram”, u shpreh me nota tallëse dhe ironike se Arbenita e ka lënë dhe se po vuan shumë për këtë gjë.
“Më ka lënë Arbenita, jam duke vuajtur. Kismet Arbenitës do t’i bëj 10 këngë se jam duke vuajtur”, tha reperi.
Ky reagim i Feros i ka habitur fansat, teksa vetëm disa javë më parë reperi në emisionin “Më Lër të Flas” tregoi se marrëdhënia mes tij dhe Arbenitës është perfekte.
“Me Arbenitën kuptohemi për çdo gjë, unë jam i thjeshtë, ndonjëherë e humb kohën me gjëra që nuk ia vlen, ajo më kupton për çdo gjë”, u shpreh Fero.
